O venres día 23 de outubro, o alumnado de 3º e 4º ESO desfrutou da visita ao Edugal, 15º Salón de Educación e Formación de Galicia, actividade consistente nunha exposición de oferta educativa e de formación que tivo lugar en Pontevedra.
Esta saída didáctica tivo como obxectivo fomentar e dar continuidade á orientación académica, facilitando unha adecuada elección para tomar unha decisión sobre o futuro profesional, axudando aos estudantes a decidir eficazmente o seu futuro formativo e profesional.
Esta feira contou cun amplo programa de conferencias, que xunto cos stands, os obradoiros e demostracións presentes contribuíron a que o noso alumnado poida ter máis claro as opcións formativas das que dispoñen e perfile deste xeito, a súa decisión final.



No hay comentarios:
Publicar un comentario