3º ESO canta

Os alumnos de 3º ESO deleitannos con "No puedo vivir sin ti" dos Ronaldos.

Temos futuro..........

 

Charlas do plan director

 Os alumnos de 6º de Primaria e 1º de ESO asitiron onte a unha das charlas programadas para eles dentro do Plan Director de Centro.

25 de Novembro

Celebramos o día contra a violencia machista con diversos actos:

As alumnas de 4º de ESO realizaron o cartel conmemorativo do día

O acto máis significativo realizouse no ximnasio do colexio onde nos reunimos alumnos e profesores para celebrar un pequeno acto que comenzou coa lectura dun manifesto por parte de alumnos de Primaria.

Hoxe 25 de novembro, as alumnas e alumnos do CPI de Pontecesures reunímonos para declarar o noso espazo de traballo, as nosas aulas e o noso centro como: 

"ESPAZO LIBRE DE MACHISMO"

As nenas e nenos deste cole comprometémonos a:

• Tratar a todas as nenas e nenos por igual sen discriminar a ninguén por causa do seu sexo.
• Estaremos atentas e atentos e contaremos á nosa titora ou titor calquera trato desigual que poida sufrir algunha das nosas compañeiras por causa do machismo e trataremos de darlle unha resposta entre todas e todos.
• Comprometémonos a axudar na casa para que as tarefas do fogar sexan compartidas por todas as persoas que viven nelas.
• Denunciaremos calquera actitude machista que vexamos no noso cole e tamén avisaremos á nosa titora ou titor.

Por todo isto, e porque queremos ESTUDAR nun ambiente onde se cumpra a Declaración Universal dos Dereitos Humanos, na que se di que todas as persoas temos os mesmos dereitos e liberdades sen distinción algunha de sexo, declaramos a nosa escola:

ESPAZO LIBRE DE MACHISMO

Os alumnos de Secundaria tamén leron o seu manifesto:

Tamén nós nos comprometemos, deste xeito, a estar atentas e atentos para garantir os dereitos e liberdades das compañeiras e compañeiros que formamos parte deste centro.

Nomeadamente, a partir de hoxe, denunciaremos calquera situación de trato desigual ou vexatorio que poidan sufrir as nosas compañeiras, facéndollo saber á nosa titora ou titor. Do mesmo xeito non toleraremos ningunha actitude machista na nosa aula e trataremos de dar unha resposta conxunta para eliminar calquera tipo de comportamento machista no noso centro.

Dende a nosa xuventude e ilusión queremos aportar a nosa forza e motivación para construir unha sociedade onde non haxa diferenzas entre homes e mulleres.

Por todo isto, e porque queremos ESTUDAR nun ambiente onde se cumpra a Declaración Universal dos Dereitos Humanos, na que se expón, no seu artigo 2, que todas as persoas temos os mesmos dereitos e liberdades sen distinción algunha de sexo, declaramos oficialmente as nosas aulas e o noso centro

                            ESPAZO LIBRE DE MACHISMO

 

Co mesmo motivo, dende a biblioteca preparamos unha pequena exposición de libros relacionados con esta temática para concienciar máis ao noso alumnado.

O departamento de plástica en inglés fixo un mural 

O xoves 24 de Novembro visitounos, na Biblioteca do CPI Pontecesures, María Pérez, do grupo Fillas de Cassandra.

O alumnado de 4° e 5° tivo a oportunidade de entrevistala e conversar con ela sobre a súa traxectoria como música e o tema 'Lisístrata', traballado nas aulas de múica de Primaria con motivo do 25N.

Finalmente, María puido ver a coreografía que os nenos e nenas de 5° tiñan preparada para o día seguinte, no que actuaron trala lectura do manifesto do Día para a Eliminación da Violencia contra a Muller.

O venres 25 xuntámonos todo o alumnado de EI, EP e a ESO para conmemorar o Día Internacional da Eliminación da Violencia contra a Muller. Trala lectura do manifesto, onde declaramos o noso centro ESPAZO LIBRE DE MACHISMO, a aula de 5º agasallounos coa súa coreografía sobre "Lisístrata", para varrer fóra das nosas vidas toda a violencia.

Las tres mariposas

No corredor de secundaria, e con motivo do 25 de novembro, os alumnos expuxeron o seu traballo sobre as irmáns Mirabal, coñecidas como Las Mariposas, e no seu honor conmemorase o 25 de novembro.

Visita de María Pérez

María Pérez, integrante do grupo Fillas de Cassandra tivo un encontro co alumnado de 4º e 5º de Primaria na Biblioteca 

Os alumnos tiveron a oportunidade de entrevistala e conversar con ela sobre a súa traxectoria como músicae o tema 'Lisístrata', traballado nas aulas de múica de Primaria con motivo do 25N.

Finalmente, María puido ver a coreografía que os nenos e nenas de 5° tiñan preparada para o día seguinte, no que actuaron trala lectura do manifesto do Día para a Eliminación da Violencia contra a Muller.

Teatro en Santiago

Os alumnos de 1º e 2º de ESO foron ao teatro ao Colexio de La Salle a ver "El asesinato del profesor de matemáticas" acompañados por profesores do centro.

Tiveron unha mañá entretida.

Curso novo....reformas...

Este ano temos un novo equipo de biblioteca e estamos dándolle unha pequena volta ás cousas.

Hai que cambiar, ordenar, expurgar, recolocar.....e incluso pintar, si, si, pintar....xa veredes os cambios pero pouco a pouco que hai pouco tempo e moito traballo.

Hai que dar as gracias a todos os alumnos que de xeito voluntario están colaborando.

Agresión Off

Dende o Concello de Pontecesures ofertáronnos a  actividade Agresión Off, organizadas por Puntos Violeta da Xunta.

Dado que é un tema que nos interesa moito a actividade foi dirixida a todo o alumnado do centro e desenvolveuse no pavillón ao longo de toda a mañá con uns horarios axeitados a cada grupo.

Palabras que veñen e van

Este ano o lema do noso proxecto de biblioteca é Palabras que veñen e van.

E como queremos que veñan e vaian, que vaian e veñan ......empezamos co grupo de 2º de Primaria que teñen relación con dous colexios, un da Illa de Arousa e outro de Catoira.

E aí os tendes mirando a correspondencia que lles chegou esta semana de Catoira.

Que haberá?

Charlas do Plan Director 2022

Celebrarónse na biblioteca as Charlas do Plan Director deste curso.

Os alumnos de 5º de Primaria  e os de 2º de ESO tiveron unha charla sobre Acoso escolar e os de 3º e 4º de ESO sobre Violencia da Muller.

Encontros de bibliotecas escolares

Onte asistimos ás Xornadas de Bibliotecas Escolares de Galicia que se celebrou durante toda a xornada no Pazo de Congresos.

Xornada interesantísima na que puidemos aprender do que están facendo os compañeiros de outras bibliotecas ou de charlas como a de Piu Martínez o a de clausura de Gonzalo Moure.

Visita ao Museo de Pontevedra

O xoves 10 de novembro, o alumnado de 1º, 2º e 3º de Primaria, realizou unha visita ao Museo de Pontevedra, dentro do programa "Coñece o Museo" promovido e subvencionado pola Deputación Provincial.

Cada grupo tivo unha proposta diferente.

1º ...."Vou ao museo"

2º ...."Mira que te miro" 

3º...."Detectives da arte"

Foi unha mañá diferente, educativa, enriquecedora e moi divertida.

Disfrutaron e aprenderon sobre as emocións nos cadros, nos retratos, o uso de trampantojos por parte dos artistas, a combinación de distintos tipos de materiais, o uso das cores, asociación de música e arte, o que intentaban expresar os artistas,....

Unha mañá diferente e moi productiva e esperemos que non sexa a última. 

Magosto

Celebramos o magosto no centro coma todos os anos, con castañas asadas, refráns, adiviñas, ditos populares, recitado de poesías e xogos, moitos xogos.

O tempo acompañou e a diversión non faltou.

Canción Magosto 5 anos (coa copla que fixeron para o proxecto de EDLG)