XII Concurso Día do libro

 

Día da poesía

Desde o equipo de EDLG, propúxoselle ao profesorado que estaba realizando un curso de Lingua de Signos, que fixera unha adaptación dun fragmento dun poema de Rosalía e o resultado foi maravilloso.

O noso agradecemento a todos e tamén á coordinadora de TICS, que realizou esta fantástica montaxe.

Teatro en tempos de pandemia no colexio

 O alumnado da clase de 2º na área de Valores, prepararou esta pequena peza sobre o Medo ás treboadas.

Non puideron actuar con público, pero aquí deixamos a grabación, esperamos que vos guste, a eles e elas encantoulles preparala e actuar.

Visita virtual polo Cpi Pontecesures

 Mira como é o noso colexio

Día da muller

Para celebrar O 8 de marzo, por e para a igualdade, no noso centro leváronse a cabo distintas propostas.

En 1º e 2º de Primaria falaron e coñeceron  a mulleres de sempre como Rosalía de Castro e Xela Arias, no eido literario e actuais como Vero Boquete e Ana Peleteiro, no mundo do deporte ou Guadi Galego e Cristina Pato no sector musical.

Logo recortaron as pezas dos puzzles e trataron de encaixalas e entre todas compuxeron un mural. Había pezas elaboradas polo alumnado que facían referencia a mulleres importantes na súa vida: mamás, avoas, irmás, amigas,...

Realizáronse xogos interactivos na PDI relativos ás mulleres traballadas...

Volvemos

Dada mellora da situación epidemiolóxica, dende hoxe luns, 8 de marzo, reanúdase polas tardes o uso da biblioteca. 

Reto conseguido

 Xa pasou unha semana, desde que se publicaron os videos do alumnado do noso centro recitando a Rosalía, para celebrar o seu día, para chegar a todos os recunchos onde haxa un amigo da nosa lingua.

Unha semana, son sete días, case nada, un periodo de tempo curto, pero neste caso, intenso e frutífero.

 Durante esta tempada puidemos compartir, expandir, espallar, difundir e sobre todo, recrearnos e deleitarnos coas fermosas poesías de Rosalía, nas voces do alumnado do CPI PONTECESURES, desde os 3 anos ata a ESO.

Ollando a convocatoria deste reto podemos concluír que grazas ao voso empeño e colaboración, proclamamos o RETO CONSEGUIDO.

RETO ACADADO, por todos. Desde o Equipo de Dinamización da Lingua Galega, están orgullosos de todos vós e das vosas familias pola súa implicación nesta proposta, entre todos fixestes rexurdir a Rosalía, a nosa cultura e a nosa lingua.

Nesta  empresa na que todos vos comprometestes,  gañamos todos, gaña Rosalía e gaña a nosa lingua, que ao fin e ao cabo é o máis importante.

 NORABOA A TODOS!

 O GALEGO DI:"GRACIÑAS por coidarme, mimarme e falarme.”

 Agora imos ver as estatísticas da canle de youtube:

Desde o 19 ata o 26 de febreiro a canle do EDLG de Pontecesures recibiu en total 22.377 visualizacións.

Gañadores por categorías:

 Infantil: Laura (3 anos) 1.066 visualizacións.

Primaria: Juan e Mateo (1º e 3º) 4.052 visualizacións.

Secundaria: Uxía (1º ESO) 270 visualizacións.

 

NORABOA A TODOS!

 Agardámosvos en vindeiros retos!

 Seguide así de espléndidos!