Despedida do curso 2015-2016 no CPI de Pontecesures

Roteiro de fin de curso a Valga

Para celebrar o día de remate das clases fixemos un roteiro ata a área recreativa de Valga, onde nos agasallaron algúns membros da A. C. Xarandeira cunha actuación de música e baile tradicional. Tamén puidemos desfrutar dun baño no río Valga e dunha comida campestre. Despedímonos por este curso, pasádeo moi ben durante o verán e collede moitos folgos para o novo ano!

Carta dun neno e dunha nena para animar á lectura

Para papá e mamá:

Vós queredes que aprenda a ler moi pronto e que me guste a lectura, porque sabedes que esa é a base da aprendizaxe. Eu tamén quero que saibades que lendo xuntos podemos transformar o salón nun misterioso Castelo, o corredor nun barco pirata, ou a miña habitación nun gran bosque encantado…, pero necesito da vosa axuda para poder converterme nun gran lector e lectora. Por iso:

• Gustaríame que dispuxérades dun tempo para ler conmigo todos os días, e que me animárades para que eu tivera tempo para ler en silencio, en solitario.
• Encántame escoitar a vosa voz. Contádeme lendas, contádeme contos, dicídeme adiviñas...
• Adoro os momentos nos que me escoitades cando vos conto historias dos libros que estou lendo.
• Levádeme ás librerías para mirar os libros de todo tipo e acompañademe as bibliotecas para participar nas actividades e para axudarme a seleccionar os libros que vou ler.
• Non vos esquezades de regalarme algún libro.
• E sobre todo, non deixedes as miñas dúbidas sen resposta.

           GRAZAS mamá! GRAZAS papá!.............

POR LERNOS

Navegación pola Ría de Pontevedra

Recomendacións de lectura para o verán

Visita a Marcelle de 3º e 4º de E. Primaria

Os alumnos de 3º e 4º de E. Primaria do CPI de Pontecesures foron de excurción de fin de curso a Marcelle acompañados dos seus mestres.

Circuítos de 6º B

Os alumnos de 6º B na clase de Ciencias coa súa profesora Begoña, fixeron circuitos. Divididos en grupos elaboraron muíños, un fermoso chalet, un coche teledirixido e os rañaceus de New York.

Menudo traballo !!!!!!

IX Xornada dos Clubs de Lectura

O vindeiro 10 de xuño reunirase en Compostela o profesorado que coordina os Clubs de lectura acollidos á convocatoria en apoio aos Clubs de Lectura, que neste curso 2015/2016 chegou a un total de 239 centros de ensino con ensinanzas de ESO, bacharelato, formación profesional ou ensinanzas de réxime especial  de toda Galicia.

Os Clubs de lectura acollen este curso a máis de 11.000 lectoras e lectores que, periodicamente, se reúnen para compartir experiencia lectora e realizar actividades a partir das lecturas realizadas. Aumentan cada ano os encontros entre distintos clubs e as rutas literarias que realizan, ben por iniciativa propia, ben aproveitando rutas xa deseñadas por distintas institucións.

A IX Xornada dos Clubs de Lectura iniciaranse coa entrega do Premio dos Clubs de Lectura 2016 á escritora Ledicia Costas, quen participará tamén na xornada cunha intervención en formato entrevista.

Programa 

Mañán de teatro

Os alumnos de 5º e 6º de Primaria foron ao local sociocultural de Pontecesures para ver a “A nena á que non deixaban ser feliz” de Miguel A. Alonso Diz e dramatizada polo grupo de teatro da ANPA “A INFESTA”. Tras a obra de teatro houbo un coloquio co autor da mesma.