Festival de Nadal

Este curso celebramos o festival de Nadal atendendo ás medidas Covid, con  todas as medidas de seguridade, distancia, uso de máscaras,... 

Pola mañán celebrouno Primaria e pola tarde Secundaria. 

O alumnado de todos os cursos realizou unhas actuacións alucinantes, fantásticas, baixo a batuta do profesorado de música, Andrea e David, que mesmo participaron nalgunhas actuacións.

Tamén viñeron os paxes reais, que recolleron as cartas dos máis pequenos e repartiron chuches.

Unha xornada lectiva, festeira moi ben aproveitada.

Galería de fotos do festival de Infantil e Primaria.

Galería de fotos do festival de Secundaria

Cunha das manualidades do alumnado de 3º e 4º de Primaria, queremos desexar a toda a comunidade educativa unhas

FELICES FESTAS!

4º reto da biblioteca

 Como podedes ver xa temos novo reto na biblioteca para que investiguedes este Nadal.

Visita dos alumnos de 1º e 2º de Primaria ao Belen de Porto

Un ano máis, a pesar do coronavirus, un grupo de veciños do lugar de Porto, realizou o Belen, con materiais reciclados, sobre todo tapóns de plástico.

O alumnado dos cursos de 1º e 2º de Primaria, foron visitalo e puideron escoitar como o fixeran da boca da súa deseñadora, fixéronlle preguntas sobre canto tempo lle levara preparalo, cantas persoas participaron,...

A saída foi moi educativa, ata pasou o tren. No camiño foron vendo os nomes  das rúas polas que pasaron: sendeiro verde de Borobó, a rúa Miguéns Parrado, a de Carlos Maside, a Praza dos Valeiros (lugar onde se atopa o Belén),...

Escritura creativa

 Dende biblioteca animamos a todos os alumnos a que escriban, que plasmen nun papel todo o que teñen na súa cabeza. 

E aquí tendes unha mostra de escritura creativa espontánea dun alumno de 4º de Primaria

Recomendacións lectoras Nadal 2021

 

Decoración navideña dos alumnos de Plástica de Secundaria

 Un ano máis os alumnos de Plastica de Secundaria traballan na elaboración da decoración de Nadal no seu pasillo…..

Big Van Ciencia

 Onte recibimos no noso colexio a visita do grupo de científicos  Big Van Ciencia. Viñeron a demostrarnos cos seus monólogos, que a Ciencia tamén pode ser divertida.

Os nosos alumnado de 1º, 2º, 3º e 4º da ESO, pasaron un tempo moi entretido e, de paso, aprenderon algo máis sobre a transmisión de datos ou a importancia da xenética nas nosas vidas.

Esta actividade, organizada polo Departamento de Física e Química e pola Dirección do Centro, tivo lugar no Ximnasio, respectando en todo momento, as medidas que nos marca o Protocolo antiCovid.

Solución e gañadores do reto "O instrumento máis antigo..."

 

O  instrumento musical máis antigo é a “flauta de Divje Babe”.

E os gañadores foron.... 

Noraboa pola resposta

Árbore de Nadal

 Os alumnos de Relixión de 2º Primaria fixeron cos seus debuxos unha árbore de Nadal para decorar o pasillo de Primaria.

Aventura biblioteca en Infantil 5 anos

 

Antes de que cuente 10

Acabamos a semana coa actuación dos alumnos de 4º ESO interpretando un  tema de Fito e Fitipaldis

Banda diseñada con historia

O luns, o alumnado de 6º de Primaria, tivo un Obradoiro de Banda Deseñada, grazas ao Correlingua. Así, pudieron achegarse ao apaixoante e divertido mundo dos cadriños ou viñetas, da man do ilustrador Victor Boullón.

3º reto

 Imos darlle unha volta á música….

Sabrías decirnos ….

Cal é o instrumento musical

máis antigo do mundo? 

Onde apareceu e canto tempo ten?

 

25 de Novembro: Día Internacional da Eliminación da Violencia contra a Muller

Neste 25 de Novembro, toda a comunidade educativa, querémonos sumar a esta celebración de rexeitamento da violencia, unha lacra que desexamos se erradique o antes posible e da que vemos que nos queda camiño que percorrer.

Amosámosvos algúns dos traballos realizados polo alumnado de Educación Primaria.

Solución e gañadores do 2º reto

Solución

O océano Pacífico debe o seu nome ao navegante portugués Fernando de Magallanes, cando en novembro de 1520, despois de viaxar por augas turbulentas e atravesar o Estreito de Magallanes, chegou ás tranquilas (“pacíficas”) augas con ventosfavorables para a navegación.

Quen participou no reto?

Quen atopou a resposta?

Nova experiencia do volcán

 O alumnado de 2º de Primaria confeccionou  unha maqueta con forma de volcán.

Practicaron o experimento na súa clase e hoxe viñeron a compartilo cos de primeiro.

Os de primeiro estiveron superatentos e despois repetírono eles tamén.

Charlas sobre igualdade

Grazas á colaboración do Concello ao longo desta semana foron impartidas nas aulas de Primaria, de Secundaria e no ximnasio para os máis pequenos, charlas e sesións de contacontos coas seguintes temáticas arredor da igualdade.

AS EMOCIÓNS E O BULLING.

QUE VES NO YOUTUBE?

CONTACONTOS SOBRE IGUALDADE ( Orellas de bolboreta, unha casa a medida,...)

                        4º Primaria

                      

                          1º e 2º Primaria no ximnasio

                       3º Primaria

                      1º ESO

 

Charla de Montse Fajardo

O alumnado de 4ºESO tivo a sorte de escoitar a Montse Fajardo sobre  a necesidade de recuperar a memoria histórica desde unha perspectiva de xénero. Na súa conferencia falounos  da represión franquista e da violencia machista sobre as mulleres. A actividade foi organizada polas profesoras de Valores e de Xeografía e Historia.

Jealousy, Jealousy de Olivia Rodrigo

 Os alumnos de 3º ESO interpetan Jealousy, Jealousy de Olivia Rodrigo xunto con Owen facendo os coros.

A Rianxeira

Sonan polos corredores do centro acordes con sons enxebres, populares, da nos aterra, e universais, como é a nosa Rianxeira grazas aos alumnos de 2º de ESO e ao seu profe de música David

Rojitas las orejas. 1º ESO

O alumnado de Educación Secundaria volve a sorprendernos coas súas habilidades musicais. Nesta ocasión é 1º da ESO o que nos agasalla cunha versión de "Rojitas las orejas" de Fito & Fitipaldis.

Noraboa polo traballo!

Un volcán no mes da ciencia

 No mes da ciencia os nenos e nenas de 2º de Primaria crearon o seu propio volcán.

 

Mulleres que falan

 Dende hoxe día 11 de novembro e ata o 19, estará na biblioteca a exposición "Mulleres que falan" cedida polo Concello como complemento das Charlas de Igualdade que se celebrarán na vindeira semana.

Votádelle unha ollada.

Magosto 2021

 E un ano máis celebramos o magosto disfrutando das castañas…..

2º Reto

 

Un dos océanos máis grandes e profundos da terra é o Pacífico.

 Quen lle puxo ese nome e que significa?

Xincana de 2º ESO polo colexio

Os alumnos de 2º ESO tiveron unha xincana polo colexio organizada pola súa profe de historia sobre os dous temas que viran na clase, A fragmentación do mundo antigo e o Islam.

Samaín 2021

Intentando volver á normalidade, este curso, volvemos a facer exposición de cabazas e productos do outono, decorar corredores e aulas.  

Nenos e nenas e algúns mestres e mestras viñeron disfrazados.

Aí deixamos algunhas imaxes destes días.

Tamén vos deixamos esta historia de medo feita por Blas, un alumno de 1º ESO

Solución ao 1º reto

 

O noso reto falaba de que Santa Teresa de Xesús morreu o 4 de outubro de 1582 e foi soterrada ao día seguinte, 15 de outubro porque……

Santa Teresa de Xesús morreu o día en que se cancelaba o calendario xuliano, establecido por Xulio César e entraba en vigor o gregoriano, promulgado polo papa Gregorio XIII.

 Según o calendario de Xulio César, o ano tiña algo máis de 11 minutos de sobra; exceso que, ao cabo de 15 siglos, deu lugar a 11 días de desfase. Para facer coincidir de novo o solsticio de inverno co día 21 de decembro, foi necesario “eliminar” esos once días. E os días elixidos foron precisamente esos.

Por  tanto, o día seguinte ao 4 de outubro do 1582, foi o 15 de outubro.

Santa Teresa, pois, foi soterrada ao día seguinte de morrer.

E os que atoparon a solución foron:

2º Primaria

Lois, Iker, Uriel, Enma L, Sebast´ián, Irina, Leire, Enma J, Noelia, Helena, Clara, Izan, Martín Noa

5º Primaria

Anastasia, Noa

6º Primaria

Gabriela

Noaraboa a estes pequenos detectives!!!!!!!!!

Rolling in the Deep

 Os alumnos de 3º ESO Bilingüe interpretando na aula de música a canción de Adele, Rolling in the Deep.