Visita de Eva Mejuto

Eva Mejuto, autora de “22 segundos” veulles falar ao alumnado de 1º de ESO do seu libro e a compartir unha tarde de experiencias con eles.

Entrega de premios "Un centro cheo de orgullo"

O Equipo de Convivencia do CPI de Pontecesures organizou este curso un concurso de carteis baixo o lema "Un centro cheo de orgullo".

Con esta proposta, quixeron sumarse todos á necesaria loita contra a homofobia.

Nos traballos atopáronse debuxos e frases cargados de mensaxe.

Queremos que saibades que tanto a participación como o nivel foron espectaculares. 

E despois dunha difícil deliberación, amosámosvos este vídeo no que se recollen os premiados.

Queremos agradecer ás presentadoras e presentador do acto de Infantil e Primaria, así como ás presentadoras do acto de Secundaria o seu bo facer nesta entrega de premios.

Historias do camiño de Santiago en 1º Primaria

Os alumnos de 1º de Primaria traballaron sobre o camiño de Santiago e aquí deixamos unha pequena escolma do seu traballo.

 

O venres 20 de maio  os alumnos de 1º e 2º de Educación Primaria realizaron unha excursión a Santiago de Compostela onde, por unha xornada, se converteron en peregrinos e peregrinas. Fixeron un anaco do último tramo da ruta, percorrendo as rúas de Compostela, gozando das vistas ao revés da Catedral, realizando o rito de entrada da Porta Santa e, como non, contándolle todas as súas andanzas a Rosalía de Castro e Valle-Inclán.

Benvidos a Exipto

Os alumnos de 2º de Primaria elixiron o Antigo Exipto como tema de traballo para o proxecto de Biblioteca "As historias da historia".

Fixeron murais, maquetas, un traxe de faraón e ata unha momia.

 

Regueifando no Correlingua

 Rapaces e rapazas da ESO, xunto co seu profesor de música David, participaron nunha regueifa colectiva, que recompilou o Correlingua, podemos ver a súa actuación, no video individual que se enviou ao colectivo.

Conmemoramos as nosas Letras

Ó longo destes días os diferentes grupos realizaron distintas actividades arredor da figura do autor homenaxeado FLORENCIO DELGADO GURRIARÁN, e das nosas LETRAS, da nosa lingua, cultura, tradicións e folclore.

 

 

 

 

 

Os romanos

 Murais feitos polos alumnos de 4º Primaria dentro do proxecto de biblioteca As  historias da historia

Florencio Delgado Gurriagarán

    O autor homenaxeado no Día das Letras Galegas 2022 é un reflexo da cultura galega no século XX. Militante do Partido Galeguista, exiliado en América, colaborador de Castelao, promotor de iniciativas editoriais e radiofónicas. Como poeta escribiu entre dous mundos a súa terra de Valdeorras e o país de acollida, México.

Florencio Delgado Gurriagarán 

A prehistoria

Xa podedes ver o producto final do proxecto feito en Infantil sobre a Prehistoria

 5º de Infantil

6º de Infantil

O camiño de Santiago

Aquí podedes ver a presentación de Anastasia de 6º Primaria sobre O camiño de Santiago que fixeron o alumnado de 5º e 6º para colaborar co proxecto anual de biblioteca "As Historias da historia"

Camilo comellón

 A mestra de 1º de Primaria realizou unha adaptación ao galego do conto "Camilón comilón" de Ana María Machado e o alumnado realizou as ilustracións.

Asé mesmo, varios alumnos/as foron ler o conto a outras aulas. Padriños lectores....

Sementando poesía no Camiño

Dado que temos o colexio ao lado do camiño portugués e neste ano santo hai moitos peregrinos, dende  o EDLG do centro surxiu a idea de colocar carteis na zona do Pino Manso e no albergue municipal que levan un código QR que enlaza cós videos dos gañadores do concurso “Fai viral a Rosalía” que promoveu o EDLG do centro.

Os carteis están en galego, castelán, francés e inglés, porque son as 4 linguas que se imparten no centro.

Un centro cheo de orgullo

17 de maio: Día Internacional contra a Homofobia, a Transfobia e a Bifobia

O Equipo de Convivencia, dentro das actividades de sensibilización que cada curso propón para avanzar no respecto á diversidade, convoca un certame de carteis que transmitan unha mensaxe positiva sobre a inclusión, o respecto, a convivencia entre as persoas e a tolerancia coa diversidade.

Para consultar as bases aquí

Charlas do plan director

Durante esta mañá estiveron dous membros da Garda Civil dando aos diferentes grupos unhas charlas sobre acoso escolar dentro do programa do Plan Director. Estiveron cos alumnos de 1º ESO A/B, 3º ESO e 2º ESO.

Encontro con Lorena Conde

Hoxe estivo co alumnado do club de lectura e do grupo de teatro a escritora Lorena Conde. Conversou con eles da súa infancia e de como se iniciou na lectura, da súa adolescencia e de como se lanzou a escribir, da pegada que deixaron nela a súa profesora da EXB, Isabel, que lle levaba libros dos que aínda hoxe se lembra, e de María Victoria Moreno da que destacou a súa paixón pola literatura e polo ensino.

Precisamente o recordo da súa profesora e amiga lle levou a escribir o seu libro “Velloucas e minchas” e presentalo ao III Premio María Victoria Moreno, premio que gañou.

Foi unha conversa moi emotiva na que falaron de literatura, de recordos e de cousas da vida.

Grazas, Lorena!!!