Planetario

Os pasados 1 e 2 de febreiro ao longo de todo o día o alumnado de Infantil e Primaria do centro tivo a ocasión de asistir á actividade do Planetario que, instalado no ximnasio, ofreceu unha sesión a cada un dos grupos de nenos e nenas co obxectivo de acercalos ao mundo da cosmofísica. Miraron nubes, a rotación da Terra, a gravidade, o home astronauta,o ceo (estrelas constelacións e planetas), a orixe da vida, as fases da Lúa, os cambios de latitude, do micro ao macro universo...contidos adaptados ás idades dos rapaces e rapazas. Tamén se achegaron a unha pequena exposición que se instalou na biblioteca.