VIII Certame do Samaín

Un ano máis, o EDLG e a Biblioteca do CPI de Pontecesures anímanvos a que compartades as historias máis fascinantes que se vos ocorran a través da participación neste concurso arredor da celebración do Samaín, unha antiga tradición que conmemora a visita dos mortos ao mundo dos vivos na noite do 31 de outubro, data de comezo do aninovo celta.

As bases que rexerán o concurso son as seguintes:

1. Os relatos orais ou escritos, cómics e debuxos , serán orixinais e inéditos, estarán en lingua galega.

2. Temática: “O Samaín é o fío conductor e o límite a túa imaxinación.”

3. Haberá premios por categorías:

- Arte: Debuxo e cómic.

- Lingua: Relato oral e/ou escrito.

4. Os traballos serán individuais, deberán levar nome e curso do autor.

5. Os relatos e cómics terán unha extensión máxima de catro folios por unha cara, manuscritos ou mecanografados.

Na modalidade de relato oral, a gravación terá unha duración mínima de 2 minutos e un máximo 3.

Os debuxos deben levar o lema “ Samaín medo sen fin”

6. Cada titor/a de infantil e primaria e o profesorado de Lingua Galega e de Plástica da ESO seleccionará o mellor traballo de cada aula e entregarallos á coordinadora do EDLG antes do venres 23 de outubro.

7. O xurado do certame estará integrado por profesorado colaborador do EDLG e da Biblioteca.

8. O fallo do xurado farase público a traves do blog de Dinamización da Lingua Galega e da Biblioteca. O venres 30 de outubro, os membros do equipo farán entrega dos premios  aos gañadores.

9. A participación neste concurso implica o consentimento do/a autor/a para a divulgación da obra presentada nos blogs do EDLG, https://trasnoparoleiro.blogspot.com  e da biblioteca http://bibliocesures.blogspot.com. 

10. A participación neste certame implica a aceptación de todas e cada unha das normas contidas nas presentes bases.

 

 

 AGARDAMOS POLAS CREACIÓNS DE TODO O ALUMNADO DO NOSO CENTRO.

SABEMOS QUE SODES UNS FANTÁSTICXS ARTISTAS E FABULOSXS CONTADORXS DE HISTORIAS!