Día mundial do teatro

O día mundial do teatro foi creado en 1961 por iniciativa da ITI –Instituto Internacional do Teatro. Dende entón, os centros, os profesionais, as organizacións e os amantes do teatro queren rendir a súa particular homenaxe a esta forma de expresión.

Neste día tamén se pretende concienciar a todos do valor que o teatro aporta á cidadanía.

Aínda que son moitos os actos que se celebran nesta xornada, cabe destacar a mensaxe internacional que se emite cada ano desde a sede da UNESCO e que circula por todolos medios para promover esta arte. Nesta ocasión a encargada foi Isabelle Huppert, actriz francesa de fama internacional.