Fai viral a poesía

Un ano máis, está aberto o prazo para remitir o voso poema en lingua galega e participar no concurso do Equipo de Normalización.

Podes consultar aquí as bases pero non te olvides de envíalo antes do 21 de marzo.

 

Tadahico Horiguchi

 A raíz da exposición que tivo lugar no Pazo de Fonseca en Compostela, dende o pasado curso, e acompañados pola música da pianista Mine Kawakami, o alumnado de segundo de Primaria está descubrindo e reinterpretando a obra do pintor xaponés Tadahiko Horiguchi.

 

8M

 Na biblioteca fixemos unha pequena exposición de lecturas recomendadas.

O alumnado de 1º de Primaria fixo na aula unha exposición sobre mulleres importantes e despois decoraron as súas lentes moradas.

 

A Banda no rock

Os alumnos de ESO foron de concerto a Santiago a ver "A Banda no Rock" coa Banda Municipal de Santiago e os actores Josito Porto e Cris Collado.

 

Conversa con Noa na radio

Hoxe inauguramos a Radio Escolar de man dunha convidada de luxo. Coincidindo co 8M visitounos Noa García, futbolista de As Celtas. 

Noa foi alumna do noso cole fai poucos anos pero xa atesoura unha exitosa carreira como deportista.

Para as nenas e nenos de terceiro foi unha honra poder entrevistala e compartir con ela esta xornada. 

Moitas grazas, Noa!

Gañador do concurso de fotografía

E a gañadora do IV concurso de fotografçia organizado polo Equipo de convivencia é.....

Encontros PLAMBE 2026

Un membro do noso equipo de biblioteca asisteu aos encontros celebrados este ano no Pazo de Congresos.

Sempre formándonos!!!!

II Feira de Orientación

 Os alumnos de 4º de ESO acompañados polo seu titor e a orientadora do centro acudiron ao IES macías o Namorado á II Feira de Orientación Acacémica e Profesional.

  Na Feira instaláronse vintedúas mesas e stands nos que as familias profesionais de FP ofrecían información sobre os ciclos de Administración e Xestión e Electricidade e Electrónica do IES Macías o Namorado, ciclos de Fabricación Mecánica, Instalación e Mantemento e de Agroxardinaría do IES de Valga; Ciclos de Edificación e obra civil e ciclos de Industrias alimentarias do CIFP de Coroso e Ciclos de Atención a Persoas en Situación de Dependencia do IES Félix Muriel de Rianxo.

Tamén se ofreceu orientación académica dos diferentes estudos universitarios e información sobre as actividades dos diferentes servizos públicos e dos corpos de seguridade e defensa. 

 

Incendios/Contralumes

Nestes días, o alumnado de Primaria visitou a exposición "Arte Postal" que está no Concello de Pontecesures ata o día 13 de marzo.

Foi moi ilusionante ver os nosos traballos xunto aos doutros nenos, nenas e artistas doutros lugares do mundo.

Reflexionamos sobre o gran problema que supoñen os lumes para o noso territorio da man de Lois Gil Magariños, o responsable da exposición e deste proxecto tan chulo.

Tralas visitas tivemos a sorte de conversar cos axentes forestais do noso distrito.

 

Teatro en Vigo

Os alumnos de ESO acompañados por varios profesores foron durante toda a mañá a Vigo.

Alí tiveron a ocasión de ver a obra teatral "Romeo e Julieta" proposta polo departamento de inglés.

Completaron a xornada coa visita ao parque de O Castro onde realizaron unha xincana por grupos. 

 

Xogade

 Os alumnos de Primaria do CPI Progreso de Catoria acercáronse ao noso cole esta mañá participar no programa Xogade.

Mochila viaxeira en 2º de Primaria

 A mochila viaxeira este curso en 2º de Primaria non ten descanso.....

Aos alumnos e ás  familias encantanlles os libros de cociña e que mellor maneira de demostralo compartindo un tartaletas con fresa con toda a clase

Rosalía 2026

Como cada ano celebramos o día de Rosalía con diferentes actos.

O alumnado de Infantil e Primaria realizou un collage de Rosalía con materiais reciclados

Os alumnos da ESO fixeron o xadín adicado á nosa poetisa

Dende Normalización propuxeron  o Concurso de Creación Plástica Imaxina Rosalía para os alumnos de ESO

E a gañadora foi Emily de 3º de ESO

O alumnado de Infantil e Primaria desenvolveron aa actividade 'Ilustramos Poemas'.

En cada aula leron un poema de Rosalía e, a continuación elaboraron a súa propia ilustración.

O alumnado de segundo visita a escola infantil para celebrar o día de Rosalía cos pequeniños.

A Candeloria

Os alumnos de 1º de Primaria estiveron descubrindo e investigando sobre diferentes tipos de aves xa que celebraron a Candeloria.

"Pola Candeloria, casan os paxariños e maila galiñola"

 

Entroido de Pontecesures

 E un ano máis e chegou o Entroido. 

Pero este foi un Entroido especial xa que había que celebrar o centenario do noso pobo.

Caramelos, piragüistas, peregrinos, valeiros, as festas de Porto, vendedores da praza, os equipos de fútbol e casa Castaño foron os disfraces participantes....unha ampla representación das actividades e da xente do noso pobo.

 

II Concurso de células comestibles

O departamento de Ciencias convocou entre o alumnado de Bioloxía de 1º de ESO un concurso de Células comestibles que está exposta no laboratorio.

A creatividade, a cociña e a ciencia unidas.

 

Charlas do Plan director

 Hoxe os alumnos de 4º de ESO asistiron a unha  das charlas do Plan Director que imparten os membros da Garda Civil.

A de hoxe tratou sobre alcohol e drogas e as súas consecuencias.

 

Xornada de portas abertas

Non vos esquezades e anotádeo na axenda..... 

 

 

 

 

Comandas do Meco

 O Meco xa anunciou as súas comandas para entroidar durante a vindeira semana.

Estade atentos!!!!!!!!  

 

 

 

 

 

Cartas desde a fronte

 

Estas últimas semanas o alumnado de 4º da ESO púxose na pel dun soldado da Primeira Guerra Mundial (1914-1918). Intentaron así compartir como houbo de ser o medo e as intensas emocións ao recibir a orde de saír das trincheiras e de avanzar para atacar e bater contra o exército inimigo.

A maioría elixiu deixar constancia da súa experiencia, das condicións de vida nas trincheiras enlamadas das frontes da Gran Guerra e do pavor ante unha morte case segura, enviándolle cartas de despedida aos seus seres queridos. Houbo tamén quen nos legou o seu testemuño ficticio a través dun diario de guerra ou por medio das notas biográficas que algún soldado anónimo podería ter escrito nalgún pequeno caderniño para matar o tempo, pensando en que alguén o atoparía no peto do seu uniforme despois de caer en combate.

Unha actividade perfecta para coñecer o valor da paz e reflexionar sobre a irracionalidade dos conflitos bélicos.

 

Día da Paz

 Un ano máis celebramos o día da Paz con diversas actividades:

Tivemos unha exposición de libros na biblioteca

A mañá empezou cunha chocolatada

Gañadoras e gañador do concurso de cartelería Día da Paz 2026

Logo tivemos o acto en sí no ximnasio, coa lectura do manifesto, a actuación dos alumnos que participaron no taller de voces africanas de Diana Tarín e rematamos cantando todos Fabricando luz da Banda da Loba.

Imaxina Rosalía 3.0

O Equipo de Dinamización da Lingua Galega ven de convocar unha nova edición de Imaxina Rosalía

IV concurso de fotografía

O Equipo de convivencia convoca o IV concurso de fotografía

Supermercado de diptongos e hiatos

 Os alumnos de Primaria os días que chove teñen unha orixinal forma de pasar o tempo de recreo.

Como se poden quedar nas aulas pero sin saír ao pasillo....idearon unha maneira de saía a airearse indo de compras a un supermercado especial, un que ten hiatos, diptongos, palabras....

Desta maneira aprenden xogando cousas de lingua e lengua e aprenden a manexar os cartos. 

 

Concurso de Videopoemas sobre Rosalía e Manuel María

A Casa-Museo Manuel María convoca o seu Concurso de videopoemas sobre composicións poéticas de Rosalía e Manuel María. 

Este certame, que este ano chega á súa 9ª edición, está dirixido ao alumnado da ESO, Bacharelato e Ciclos Formativos.

O prazo de preinscrición dos centros que desexen tomar parte finaliza o día 17 de marzo.