Concurso de marcapáxinas do EDLG

Co gallo da conmemoración do Día das Artes Galegas, dedicado neste 2025 ao pintor, ceramista, intelectual... Isaac Díaz Pardo, o EDLG do CPI de Pontecesures convoca un concurso de marcapáxinas conforme as seguintes 

BASES:

1. Pode participar calquera alumno ou alumna do CPI de Pontecesures.

2. Os traballos presentados terán como temática a vida ou a obra de Isaac Díaz Pardo.

3. O marcapáxinas debe ser rectangular e posuír un formato aproximado de 1:3 (a recomendación é realizar a composición nun A4 partido á metade, de xeito que ocupe 105 mm x 297 mm).

4. A técnica é libre (lapis, ceras, acuarela, témpera, colaxe...) sempre que se trate dunha técnica manual (non serán admitidos os traballos elaborados por computador nin fotografías).

5. A persoa que presenta o traballo debe indicar o seu nome e o curso ao que pertence na parte posterior do traballo.

6. O último día para entregar os traballos é o 23 de abril de 2025, Día do Libro.

7. A entrega pode realizarse a través do titor ou da titora, do profesor ou da profesora da materia correspondente ou directamente, en persoa, ao coordinador do EDLG.

Visita de Antonio M. Fraga

 Hoxe os alumnos dos clubs de lectura de 5º e 6º e os seus compañeiros de aula tiveron o pracer de coñecer ao autor dun dos libros que leron este ano "Como escorrentar un lobo".

Antonio M. non é a primeira vez que ven ao noso colexio, pero si é a primeira que coñece aos alumnos de 5º e 6º.

Durante 1 hora estiveron conversando sobre o libro, primeiro fíxolle unha pequena presentación e logo e falaron de todas as inquedanzas que lles supuxo a súa lectura. 

Prevención do acoso escolar

 A pasada semana o alumnado de 1º, 2º, 3º e 4º cursos de Primaria asistiu a unha charla expositiva e participativa arredor da Prevención do Acoso Escolar organizada polo Equipo de Orientación do noso Centro.
Carla, psicóloga da Fundación Amigos de Galicia de Vilagarcía de Arousa, conduciunos ao longo das tres actividades.

A primeira dinámica consistiu en identificar a persoa acosada cun papel. A partir dese punto, insultárono, dixéronlle cousas desagradables, chamáronlle nomes... todo co obxectivo de ferir a persoa que o papel representa, mentres o enrugaron ata facer con el unha bóla. Despois, como para desfacer o mal que lle fixeron, adícaronlle bonitas palabras, alisárono con moito cariño... pero comprobaron que o papel nunca recupera a forma inicial, do mesmo xeito que o ánimo da persoa acosada nunca sana completamente do dano que lle fan, sempre lle queda algunha enruga.

 A segunda dinámica consistiu en escribir sobre eles mesmos, que lles gusta deles, e facer un debuxo sobre eles.

 Na terceira, reflexionaron sobre cal foi a súa vivencia co acoso, en relación a se presenciaron ou realizaron acoso a outras persoas e como viviron esa experiencia.

 

Semana de intercambio

Este ano un grupo de alumnos do Ensemble Scolaire Saint-Joseph de Maringues (Francia) devólvennos a visita.

Xunto co noso centro, nesta frúctifera experiencia, participa o CPI Alfonso VII de Caldas de Reis.

Durante unha semana os alumnos galos tiveron a gran sorte de coñecer lugares emblemáticos desta zona de Galicia e da súa cultura e gastronomía e quedaron abraidados pola experiencia.

Estiveron na Coruña, en Cuntis, no Castro de Castrolandin, na Lanzada e en Santiago.

Gracias a Luisa e Francine por facer posible este tipo de intercambios que son unha gran experiencia para os alumnos implicados.

Brazolinda na biblioteca

Hoxe na biblioteca do cole os alumnos de Infantil de 4 e 5 anos de 1º e 2º de Primaria disfrutaron dunha xornada de xogos educativos da man de BRAZOLINDA.

Día da árbore

 O  Concello de Pontecesures, en colaboración con Medio Rural e coa participación dos alumnos do cole, desenvolveron unha actividade de plantación de especies autóctonas no entorno do mirador do Galiñeiro.

Os alumnos de 5º e 6º estiveron acompañados dos seu profesores e da Concelleira de Medio Ambiente na plantación de 100 árbores co a poio de axentes e membros de brigadas forestais.

A actividade ten como obxectivo concienciar aos nenos na necesaria proteción do noso entorno e do medio ambiente e favorecer o contacto dos máis novos co entorno natural máis próximo.

Teatro de oratoria

 O pasado venres 21 de marzo o alumnado de Oratoria de 3º de ESO actuou ante os seus compañeiros de curso coa optativa de Francés na Biblioteca, poñendo en escena a adaptación teatral que eles mesmos fixeron de dous mitos gregos:  "O mito de Prometeo" e "A caixa de Pandora".

As deficiencias técnicas dos altofalantes e os continuos peches e aberturas do pano desluciron un pouco a representación, mais a naturalidade e simpatía do reducido elenco, por unha banda, e, por outra, a atención e comprensión do público, fixeron pasar a todos, incluído o profesorado, un rato moi agradable, o cal rematou cunha "pelexa de galos" bailongos entre Héctor e Amine.

Grazas a todos, especialmente a Hiwot, alumna que soubo lidiar en tódolos ensaios e clases cos seus movidos compañeiros de repartoe materia: Amine, Francisco, Héctor e Marcos.

Fai viral a poesía

Xa lle están chegando a Normalización os vídeos. 

Non vos desanimedes e participar.

 

 

 

8M

Para celebrar o 8M, desde o Concello propuxeron unha actividade para o alumnado de Educación Primaria da man de Tarabela Creativa.....

RELATOS E HISTORIAS FERMOSAS DE MULLERES INCREÍBLES

Entroido 2025

Este ano o tema do Entroido é 'As artes escénicas: Levántase o pano!'.

As Artes Escénicas, do mesmo xeito cós libros, facilitan a entrada da fantasía nas nosas vidas, facéndonos vivir situacións que poderíamos considerar inimaxinabeis, aínda que moitas veces a propia vida xa nos poña nesa mesma situación...

Desde media mañá tanto os alumnos como os profesores preparáronse para desfilar un ano máis cara a Plazuela e facer un festival onde os protagonistas foron os alumnos.

Conte avec moi: Contacontos en francés

 O mércores 26 de febreiro recibimos na nosa biblioteca a Samuel Mountoumnjou, profesor de linguas e contacontos camerunés que leva por España o proxecto “Conte avec moi” de ELENCO Educa. Esta actividade organizada polo departamento de francés, fomenta a escoita activa e a interacción do alumnado en público, ao mesmo tempo que reforza a producción oral en lingua francesa de forma amena e divertida. Ao grito de Aula ula! (conta! conta!) e ao son dos tambores, o noso alumnado de francés da ESO disfrutou dunha sesión “très amusante”. 

Rosalía 2025

 Este ano tivemos diversas actividades para festexar a Rosalía

 ROSALÍA CON ACENTO FRANCÉS

O alumnado de francés de 3º e 4º de ESO fixo unha pequena homenaxe. O alumnado de terceiro redactou poemas en francés sobre a nosa terra e a natureza, en forma de caligrama. O alumnado de 4º de ESO pola súa banda, redactou unha pequena biografía da autora. A semana de Rosalía estiveron os traballos expostos na porta da aula de francés. 

A rapazada de 1° de ESO plantou o noso xardín de pensamentos adicado a Rosalía.

 

 

O alumnado de Infantil e Primaria traballou coa poesía "O moucho"

O alumnado de Primaria desenvolveu a actividade Ilustramos Poemas, compoñendo ilustracións a partir do poema que leron na aula.

 

Fai viral a poesía!!!

Outro ano máis o Equipo de Normalización lingüística convoca Fai viral a poesía!!!
Queremos facer viral a poesía en lingua galega con gravacións de viva voz.
Como? Podedes declamar, actuar, preparar vídeos de animación, manipular monicreques... o que queirades, pero sempre coa vosa voz e a vosa lingua: a galega.
Este concurso, que naceu como homenaxe a Rosalía  creceu ata abranguer a toda a poesía.

Comandas do Meco

 Un ano máis chega o Entroido ao Colexio e con el as comandas do Meco para a próxima semana

VIII Concurso de microrrelatos da RAG

                                    

Viaxe a Andorra

 Esta semana pasada un grupo de alumnos de 3º e 4º de ESO estiveron disfrutando dos deportes de neve en Andorra acompañados dos seus profesores.

III Concurso de fotografía do día da Paz

 O concurso de fotografía que xe convoca no colexio tivo moita participación e as fotos participantes eran moi boas polo que o xurado tívoo realmente difícil.

O gañador foi Tomás de 4º ESO

Noraboa!!!!

Día da PAZ

 Un ano máis celebramos o día da PAZ con diversas actividades que organizaron o Equipo de Convivencia e o Equipo de Actividades Complementarias e Extraescolares .

O alumnado de 6º e de 2º ESO tiveron cadanseu taller de ecopercusión na biblioteca para logo mostrarlle ao resto de compañeiros do seu nivel o aprendido. 

Durante o seu primeiro recreo, o alumnado de E.S.O. gozou dunha chocolatada.

A chocolatada tivo un cartel anunciador que foi elexido de entre todos os carteis presentados polos alumnos de Primaria participantes no concurso organizado.

E o cartel gañador foi o de Lucía de 4º de Primaria.

Despois de tomar o chocolate Secundaria, foi o turno de Infantil e Primaria.

Para rematar a xornada, celebrouse cadanseu Acto de lectura do Manifesto a prol da Paz, coas actuacións dos grupos que asistiron aos obradoiros de ecopercusión: en primeiro lugar celebrouse o correspondente a Infantil e Primaria e posteriormente o de Secundaria.

Imaxina Rosalía 2ª edición

O Equipo de Dinamización convoca a 2ª edición de "Imaxina Rosalía".

Anímate e participa.

Mochila viaxeira en 1º Primaria

 Alba quixo compartir o seu biscoito coa clase

Hidaya recibiu a mochila de Luca e pasoulla a Mateo

Certame literario no concello

O concello de Pontecesures ven de convocar o Certame literario de relato curto Oria Moreno

BASES DO CONCURSO

XI Edición do Certame de Relato Curto

Convocado a XI edición do Certame de Relato Curto

FORMULARIO DE PARTICIPACIÓN

III concurso de fotografía do CPI de Pontecesures

O  Equipo de Convivencia do n Centro convoca o III Concurso de fotografía, centrado este ano na Paz, entendida no seu sentido máis amplo, baixo o nome 'Que é a paz para ti?'.

Podedes consultar aquí as bases.

O prazo de presentación remata o 27 de xaneiro.

Animádevos!!!!!!