O día
mundial do teatro foi creado en 1961 por iniciativa da ITI –Instituto
Internacional do Teatro. Dende entón, os centros, os profesionais, as
organizacións e os amantes do teatro queren rendir a súa particular homenaxe a
esta forma de expresión.
Neste día
tamén se pretende concienciar a todos do valor que o teatro aporta á cidadanía.
Aínda que
son moitos os actos que se celebran nesta xornada, cabe destacar a mensaxe
internacional que se emite cada ano desde a sede da UNESCO e que circula por
todolos medios para promover esta arte. Nesta ocasión a encargada foi Isabelle
Huppert, actriz francesa de fama internacional.
Dende o día 17 ata o día 31 de marzo estivo na biblioteca do noso centro a exposición “Cartas de amor”. Esta exposición foi
concebida seguindo as
instrucións da Secretaría Xeral de Igualdade da Xunta de Galicia na campaña
contra a violencia de xénero do mesmo nome, estando directamente relacionada
cos obradoiros nos que o noso alumnado
de 2º e 3º ESO participou o 28 de marzo, organizados e impartidos por
especialistas contratados polo Concello de Pontecesures. 
Onte
as 12:00 horas, na Biblioteca Pública Municipal de Pontecesures levouse a cabo
a primeira sesión desta campaña de animación a lectura, froito da colaboración
entre a Xunta de Galicia e o Concello de Pontecesures. Os encargados de abrila
foron os alumnos/as de 6º curso de E. Primaria do C.P.I. de Pontecesures, para
celebrar o Día Mundial da Auga. A sesión
de animación correu a cargo de Efervesciencia, tendo por título Biotecnólogos
na Biblioteca. 
O venres pasado veu á nosa biblioteca un contacontos de MÉDICOS SEN FRONTEIRAS para 1º e 2º de Primaria.
