Dia da biblioteca

 

Celebramos o día das bibliotecas indo á biblioteca municipal para aprender a facer un podcast.

Dentro do programa Ler conta moito, os alumnos de 6º tiveron a oportunidade de aprender a crear un podcast. Así aprenderon a redactar, locutar, gravar e editar un podcast con técnicas de locución, teatro, dobraxe, lectura interpretativa, modulación da voz, vocalización e locución.

Terroríficas. Historias do terror

Os alumnos de 5º de Primaria foron á biblioteca municipal para  participar no obradoiro Terroríficas, que combina a lectura e a escritura de relatos de terror, xa que temos moi preto o Samaín.

Viaxaron a través de distintas autoras (Cris Pavón, Uxía Casal, Paula Carballeira, Mary Shelley, Shirley Jackson, Pilar Pedraza...) pola literatura do medo e do misterio, o que lles permiteu construir o seu propio relato terrorífico.

A nena con vestido de flores

 

Este venres o alumnado de 4º de primaria acudía a biblioteca do concello de Pontecesures para a visita dun contacontos. Nesta ocasión tratabase de Manuel Fontemoura, autor do libro “A nena co vestido de flores”.  Nesta novela relatase a vida dunha nena con Trastorno de Asperger. Na actividade o alumnado puido participar e interactuar co autor a través de diversos xogos traballando a empatía, a imaxinación, …

Da árbore ao libro

O alumnado de 3º de Primaria asistiu a un obradoiro, na Biblioteca Municipal, impartido por Andrea Jamardo, editora de Cuarto de Inverno.

Nesta actividade os nenos e nenas puideron descubrir como se prepara todo o material para a elaboración dun libro, desde que se corta a árbore ata que o libro chega ás librerías e bibliotecas, e os ávidos lectores e lectoras poden gozar coa súa lectura. As rapazas e rapaces tamén puideron confeccionar o seu propio libro.

E tamén puideron ver libros desta editorial

A orquesta de camarote

Os alumnos de 1º e 2º de Primaria foron á Biblioteca municipal para desfrutar coa historia musicalizada da Orquesta do Camarote. O príncipe Lorenzo xogaba no seu pazo cando atopou unha caixa musical e quedou abraiado. O pazo do príncipe atopábase baixo a influencia  do Imperium Panoramium, e alí só se escoitaban ritmos traídos do outro lado do Atlántico.

Coas viaxes da Orquesta de Camarote, farase un percorrido por distintos lugares do mundo e acompañarase de músicas recoñecidas.

Cóntame un cine

Os alumnos de 2º EP foron á biblioteca municipal a ver á Cinecleta que acababa de chegar.

Sesión dinámica a cargo de Brais Moure, na que se realizou un percorrido pola historia do cinema mesturado con contos cinematográficos.

 

Contamos en igualdade

Os alumnos de 3º EP asistiron na biblioteca municipal a unha actividade con Patricia Martínez Rodríguez en prol da igualdade e contra a violencia de xénero.

Esta contada pretendeu rachar cos estereotipos dos roles tradicionais asignados aos personaxes dos contos en función dos seu xénero, idade, etnia ou mesmo condición social, cultural ou funcional.

A través de fermosos contos tratouse de reflexionar sobre a nosa relación cos demáis, construíndo entre todos un mundo máis igualitario e pacífico.

 

Terroríficas. Historias de terror

Os alumnos de 5º EP asistiron na biblioteca municipal a un Obradoiro que combina a lectura e a escritura de relatos de terror xa que temos moi preto o Samaín.

A través dunha perspectiva de xénero, crítica e creativa, viaxaron a través de distintas autoras (Mary Shelley, Shirley Jackson, Pilar Pedraza, Cris Pavón e Uxía Casal entre otras) pola literatura de terror.

Unha reflexión sobre este xénero literario que lles permitíu construir o seu propio relato.

 

Un home lobo na biblioteca

As nenas e os nenos de 1º EP foron á biblioteca municipal para ver a Anxo Moure onde se transforma nun vello home da Serra do Faro para levalos ate o mundo da fauna e da flora dos parques naturais de Galicia nunha aposta polo coñecemento da contorna con apoio de esculturas de Lomarti, artesanías de Martola, Paz Castro, Brais Moure, pegadas de loba e arxila e oubeos de loba.

Contos de Chuches Amil

 Nas actividades programadas dende Ler conta moito da biblioteca municipal, os alumos de 4º de EP asistiron a unha actividade de dinamización con música, teatro e danza.

Canción de monstros, ilustrados con canción de Chuches Amil, aportadas dos seus disco-libros “Un conto ao revés” e “Monstros. Con ou sen consentimentos”, da colección  Sonárbore da editorial Galaxia. Os relatos procuran que os cativos e cativas aprendan a mirar de diferentes xeitos os contos ao aportar diversos puntos de vista.